2 arestado sa buybust op sa Negros Occidental

Arestado ang duha ka mga suspetsado sa magkatuhay nga buybust operation sa probinsiya sang Negros Occidental kahapon.

Sa ciudad sang Silay, naaresto ang 25-anyos nga si Frederick James Piedad sa buybust operation sa Brgy. Mambulac kahapon kun sa diin nakuha sa paghinakop sini ang 4 ka dalagko nga sachet sang suspected shabu nga ginabanta nagabalor sang P105,000 kag P2,000 nga buybust money.

Samtang, arestado man alas-5:21 kahapon sang hapon ang 22-anyos nga si Art Mahilum sang Purok Pag-asa, Brgy. Poblacion 2, Sagay City.

Nakuha sa paghinakop ni Mahilum ang isa ka heat-sealed kag 2 ka transparent sachet sang suspected shabu sa buybust nga ginpatigayon sa corner Cueva-Catalbas St., Brgy. Poblacion 2, Sagay City.