Duha ka mga bata ang patay samtang siyam naman ang pilason sa knife attack nga nagatarget sang Taylor Swift-themed dance class sa isa ka banwa sa northern England kaina sang kaagahon, oras sa Pilipinas.
Suno kay Constable Serena Kennedy, chief sang Merseyside Police, critical ang condition sang anom ka mga bata kag duha ka adults nga napilasan sa insidente nga natabo sa Southport, north of Liverpool.
Suno kay Kennedy, nagsulod sa premises sang dance class ang suspetsado nga nagabitbit sang kutsilyo kag gulpi lang niya ginpangbuno ang mga kabataan.
Nagapati ang pulis nga gintinguhaan sang mga adults nga proteksyunan ang mga bata nga gin-atake sang suspect gani malubha man ang ila pilas.
Sa pagresponde sang mga pulis, ila nga naaresto ang 17-year-old suspect sa crime scene.
Indi pa klaro kun ano ang motibo sang suspect apang gin-athag man sang mga otoridad nga wala sang kaangtanan sa terorismo ang natabo.
