Nakapauli na ang duha ka mga 16-anyos nga dalagita sa ila puluy-an sa Barangay Banago, Bacolod City kahapon sang hapon matapos ginreport nga missing sang Domingo.
Sa interview sang Bombo Radyo kay Kagawad Meloy Magbanua, ala-1:30 kahapon sang hapon nakapauli na sa ila puluy-an ang magpakaisa nga menor-de-edad.
Suno diri, nakit-an ang mga ini sang isa ka kagawad sa Talisay City sa isa ka balay sang atubang sang Notre Dame nga eskwelahan sa nasambit nga ciudad.
Bangud nga ginpanawagan nga missing sa social media ang mga menor-de-edad, nakilal-an ang mga ini sang nasambit nga kagawad kag gin-negosyar agud makapauli.
Suno kay Magbanua, maayo man ang kahimtangan sang mga kabataan.
Magapadulong naman ang kapulisan sa area sa Talisay kun sa diin nakit-an ang mga menor-de-edad subong nga adlaw agud magpatigayon sang imbestigasyon.
