Arestado ang duha ka drug personalities matapos makuhaan sang masobra sa P1 million nga balor sang suspected shabu sa ginpatigayon nga buybust operation sang Bacolod Police Station 2 sa Prk. Sigay, Barangay 2, Bacolod City kagab-i, April 3.
Ginkilala ang nadakpan kay Joshua Canlas, 27 anyos, lalaki, single, wala sang trabaho, kag residente sang Prk. Sigay Brgy. 2 Bacolod City kag Jobel Rojo, 32 anyos, lalaki, kasado, construction worker kag residente sang Villa Servando Roma, Brgy Singcang-Airport, Bacolod City.
Ang duha ang lunsay nga ginakabig high value individual.
Narecover sa paghinakop sang mga ini ang isa ka sachet sang suspected shabu, tatlo ka Knot tied transparent sachet sang suspected shabu, isa ka caliber .45 pistol nga wala sang serial number kag isa ka Magazine loaded sang isa caliber .45 ammunition.
Ang nakuha nga suspected shabu ang nagabug-at sang 160 grams kag nagabalor sang P1,088,000.
Sa interview sang Bombo Radyo Bacolod kay Police Major Eugene Tolentino, station commander sang Bacolod Police Station 2, madugay na nila ginamonitor ang duha kag sang gab-i nakakuha sila sang kahigayunan nga mabaklan sang illegal nga druga ang duha mga arestado.
Suno kay Tolentino, isa sa nadakpan ang residente sang Barangay 2 kag ang isa ang lain nga barangay.
Suno diri, ginpahayag sang mga nadakpan nga may yara lamang sang contact kag nagadagdag sang supply nga nagikan sa Luzon.
Dugang pa sini nga ang iban sa supply ang ginapahayag nga ang transaction ang nagikan sa prisuhan apang ang nagadagdag ang nagikan sagwa.
Ginpahayag nga si Canlas ang may yara sang ginpasaka nga kaso batok diri bangud imbulbado sa pagpatay nga ila ginaverify pa sa karun.
Isa nadakpan ang magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 samtang isa nga nakuhan sang armas-luthang ang magapangatubang sang kaso nga paglapas sa COMELEC resolution no. 11067 ukon Gun ban kag paglapas sa RA 9165 ukon Comprehensive Dangerous Drugs Act of 2002.
