Gindagdagan sang show cause order ang duha ka empleyado sang Bacolod City Government sa gina-alegar nga nagaserbe bilang fixer sa pagproseso sang business permit sa city hall.
Suno kay Bacolod City Legal Officer Atty Karol Joseph Chiu, ang mga gindagdagan sang show cause order amo ang isa ka regular employee sang Bacolod Environment and Natural Resources Office (BENRO) kag isa man ka regualr employee sang City Treasurer’s Office.
Suno diri, nagbaton sang P40,000 ang empleyado sang BENRO sang Disyembre 2024 sang ini nagserbe bilang fixer samtang ang empleyado naman sang City Treasurer’s Office nagbaton sang P12,000.
Pahayag ni Chiu, ini ang nagapakita nga luyag ni Bacolod City Mayor Alfredo ‘Albee’ Benitez nga matapna ang korapsyon sa ciudad.
