Narescue sang mga otoridad ang duha ka mga gina-alegar nga biktima sang human trafficking sa Kingdom of Jesus Christ (KOJC) compound sa Davao City sa tunga sang police operation agud nga iserbe ang warrant of arrest batok kay Pastor Apollo Quiboloy.
Santo sa report, ginpatigayon sang Philippine National Police Women and Children Protection Desk kag ang Department of Social Welfare and Development (DSWD) Region 11 ang rescue operation.
Dugang pa sa report, ginpahayag ni Police Regional Office 11 spokesperson Police Major Catherine Dela Rey nga ang gina-alegar nga mga biktima ang isa ka 21 anyos nga lalaki nga nagikan sa Samat kag isa ka babayi nga nagikan sa banwa sang Midsayap sa Cotabato.
Suno kay Dela Rey nga narescue ang duha ka mga gina-alegar nga biktima matapos nga ang ila mga himata ang nagpangayo sang bulig gikan sa mga kapulisan.
Suno pa diri, nga ang duha ka ginrescue nga mga indibiwal ang luyag na nga magbiya sa KOJC compound apang wala ginpahanugutan.
Samtang, ginpanginwala naman KOJC legal counsel Atty. Israelito Torreon ang alegasyon nga ang KOJC ang imbulbado sa human trafficking.
