2 ka Iranian oil tankers, ginguba sang US forces sa pagbaylohanay sang atake sa Iranian forces sa Strait of Hormuz

Ginguba sang U.S. forces ang duha ka Iranian oil tankers kahapon matapos ang pagbaylohanay sang pag-atake sa Iranian forces sa Strait of Hormuz.

Nagreport man ang United Arab Emirates (UAE) sang isa ka Iranian missile kag drone attack.

Ang mga serye sang pag-atake ang nagdugang sa mga palamangkutanon sa isa na ka bulan nga kasugtanan nga gina-insister sang Estados Unidos nga epektibo pa.

Nagahulat sa karon ang Washington sang sabat sang Iran sa ila pinakaulihi nga proposal nga ginpadala agud untaton na ang gyera, pagabuksan na ang Strait of Hormuz, kag pag-untat sang nuclear program sa Iran.