Arestado ang duha ka mga lalaki sa entrapment operation matapos nagpangawat sang pagkabutang sa nakaparada nga salakyan sa Brgy. Tangub, Bacolod City.
Una diri, ginparada sang biktima nga si Rodrigo Tacuyo Jr. sa Purok United Roadside, Brgy. Tangub ang iya nga salakyan kag diri ini ginkawatan sang mga suspetsado nga sanday Jerry Catapang kag Lito Capunong.
Nakuha sang mga suspetsado ang 2 ka cellphone, powerbank kag RTW items.
Matapos ang pagpangawat, gintawgan ni Catapang ang isa pa number sang biktima nga yara sa phonebook sang nakuha nila nga cellphone kag nagpangayo sang 50 pesos nga load.
Matapos ginpa-loadan, naghirit pa si Catapang nga mahulam sang 5 mil pesos kag naghisugot sila sang biktima nga magakitaay apang lipod sa iya ihibalo may upod na nga pulis si Tacuyo.
Wala tigayon nga nakahatag sang 5 mil pesos ang biktima bangud naaresto na si Catapang.
Naaresto man lang si Capunong matapos ini nga gintudlo ni Catapang.
Priso karun ang duha sa Police Station 8 kag natalana nga Police Station 8.
