Arestado ang duha ka mga persona nga nagpangawat sang battery sang salakyan sa Barangay San Miguel banwa sang Murcia, Negros Occidental.
Ginkilala ang mga suspek nga sanday Michael Mana-ay kag ang isa si Mark Figedero.
Si Manaay ang residente sang Barangay Villamonte kag si Fegidero ang residente sang Barangay Mandalagan, Bacolod City.
Sa interview sang Bombo Radyo Bacolod kay Police Major Sherwin Fernandez, hepe sang Murcia Municipal Police Station, ang duha ang nadakpan sang mga pumuluyo kag mga Barangay Tanod kag Barangay Official.
Suno kay Fernandez, ang ginaubra sang duha ka mga kawatan amo nga nagalibot kag kun may makita nga trucking nga malabayan kag makita nga mahapos kakason ang battery amo ini ang ila ginabiktima.
Ang mga makawat nga battery ang ila nga ginabaligya sa mga nagabakal.
Nadiskubrehan man nga nagalibot sa nagkalain-lain nga bahin sang probinsya matapos nga nagpadulong ang residente sang ciudad sang Bago sa police station agud magreport nabiktima man ini sang mga kawatan.
Nagpanugyan si Fernandez sa mga may salakyan ukon trucking nga magparking sa siguro nga lugar agud makalikaw nga mabiktima sang mga kawatan.
