Ginkumpirmar sang pamunuan sang Eastern Mindanao Command (Eastmincom) nga patay na sang masapwan ang duha ka piloto nga sakay sang missing nga FA-50 fighter jets samtang nagpatigayon sang tactical night operations.
Suno kay Eastmincom Commander Lt. Gen. Luis Rex Bergante, ila nga nasapwan ang aircraft sa Mt. Kalatungan sa Bukidnon kun sa diin Nakita nga yara sa sulod pa ang duha ka mga piloto nga wala na sang kabuhi.
Ginpahayag ni Bergante nga ginahimo na nila ang tanan nga masarangan agud nga mapanaog ang bangkay sang duha ka piloto.
Ginpahayag man sang heneral nga santo sa nangin report sa iya sang military, wasak ang nasambit nga aircraft apang gin-athag sini nga wala ini naglupok.
Suno sa PAF grounded sa karun ang FA-50 fleet para sa nagakaigo nga imbestigasyon.
Nagpadala naman ang PAF sang pagpakig-unong sa mga nalisdan nga pamilya.
Ang PAF ang may yara sa karun sang nabilin nga onse ka FA-50s sa arsenal matapos nga ginretire na ang pila sa mga ini sang 2005.
Tanan nga FA-50s ang ginbakal gikan sa Korea Aerospace Industries sa balor nga P18.9 billion sa tion sang administrasyon ni Former President Benigno “Noynoy” Aquino Jr.
