Gindagdagn sang notice of violation ang duha ka resort sa ciudad sang Bago, Negros Occidental matapos wala makacomply sang Environmental Compliance Certificate.
Suno kay Vicente Mesias, pinuno sang City Environment Management Office (CEMO), gindagdagan sang cease and desist order ang Mailum Falls Dreamland Resort kag Balaan Hills Eco Park bangod wala sang ECC sa pagconstruct sa lugar.
Ginpasiguro sang LGU sang ciudad Bago nga ginamonitor ang activities sang duha ka resort nga gindagdagan sang notice of violation.
Natukiban nga wala sang ECC ang duha ka resort matapos magreklamo ang Bataan Irrigators Association kag Mailum Bukidnon Tribe kasunod sa pagbaha nga nagluntad sang tinalikdan.
Ang ginareklamo sang duha ka grupo amo nga naglab-ot sa dalan ang baha nga may dala nga mga bato halin sa ibabaw sang bukid kun diin may ginapatigayon nga land development.
Pahayag ni Mesias, indi maka-operate ang duha ka resort tubtob nga indi sila makacomply sa ginapangayo nga nagaka-igo nga dokumento.
