Duha ka mga taytay sa Bago City ang nareport nga nagcollapse bangod sa mabaskog nga daludo sang tubig dala sang Bagyo TINO.
Sa interview sang Bombo Radyo Bacolod kay Dr Merijene Ortizo, head sang Bago City Disaster Risk Reduction and Management Office, una ga nareport nga nagcollapse ang Daily Bridge sa Brgy Ilijan nga nagakonekta sa Brgy Mailum.
Nag-awas man ang overflow pasulod sa Buenos Aires Mountain Resort.
Isolated naman ang pila ka Purok matapos magcollapse man ang Tabidiao bridge sa Sitio Tabidiao, Brgy Mailum.
Suno kay Ortizo ang taytay nga nagaserbe nga naga-isahanon nga alagyan pagwa sa area, ang naguba kag naanod sang daludo sang tubig.
Pahayag sini nga mabaskog ang pag-ulan nga dala sang Bagyo TINO sa naibabaw nga mga Barangay gani mabaskog ang daludo sang tubig sa suba nga nagtuga sa pagkaguba sang taytay.
Indi man masudlan ang dalan padulong sa gym sang Buenos Aires bangod sa mataas nga tubig.
Suno kay Ortizo, ang taytay lamang kuntani ang malabayan sang mga pumuluyo bangod ang alternative route nga isa ka overflow ang indi man malabayan.
Indi man makasaka ang rescue team sa lugar bangod sa mga nagkalatumba nga mga puno nga nagabalabag sa dalan pasaka sa nasambit nga Barangay
