Ginpapanaugan sang 60 ka adlaw nga preventive suspension ang duha ka mga empleyado sang Office of the Provincial Agriculturist nga ginaalegar may kahilabtanan sa pagkadula sang mga abono sa bodega sang Rice Processing Center sa Brgy. Tabunan, ciudad sang Bago.
Ang mga empleyado ang ginlakipan nanday Hermigildo Basilio kag Joy Cardinal kag assigned sa Rice Processing Center.
Sadtong October 20, 2022 sang nadiskubrehan nga wala na sa bodega ang 789 ka sako sang abono nga nagabili sang P2.3 million.
Suno kay Negros Occidental Provincial Legal Officer Atty. Alberto Nillas Jr., natapos na nila ang formal investigation kag ginrekomendar ang pagdagdag sang formal charge batok kay Basilio nga Agriculturist 1 sang OPA kag naserbehan naman sini ang iya nga preventive suspension nga natapos sang June 2.
Suno kay Nillas, si Basillio pa lang ang nahatagan sang kopya sang dokyumento para sa formal charge bangud si Cardinal ang ila pa nga ginapangita bangud ini ang casual employee sang OPA.
Ginalantaw man sang PLO ang pagrekomendar kay Cardinal sang non-renewal kag termination sang kontrata sini.
Suno kay Nillas, ang duha ang magapangatubang sang kaso administratibo nga ginalakipan sang grave misconduct, serious dishonesty kag malversation of public funds bangud sa nadula nga 700 ka sako sang abono.
