2 patay, 14 pilason matapos magdangat sa mass shooting ang inaway sa football game sang duha ka eskwelahan sa Alabama, USA

Duha ka mga persona ang patay samtang 14 ka iban pa ang pilason matapos ang mass shooting sa Alabama, USA.

Suno sa Montgomery Police, nagluntad ang insidente alas 11:30 sang gab-i matapos ang football game sa tunga sang Tuskegee University kag Morehouse College.

Nagsugod ang ginamo sang may nagluntad nga pag-ilinaway sa duha ka rival groups samtang nagbayluhanay sila sang luthang.

Nalakip sa mga napatay ang isa ka babaye kag duha naman ka bata ang pilason sa insidente.

Gindala sa balaybululngan ang mga pilason samtang padayon pa ang ginahimo nga imbestigasyon sang mga otoridad.