Patay ang duha ka mga persona sa separado nga shooting incident nga nagluntad sa probinsya sang Negros Oriental, Martes sang hapon.
Sa impormasyon nga nakuha sang Bombo Radyo Bacolod, takna alas-12:50 sang kaagahon sang nakabaton sang tawag ang Dumaguete City Police Station nga may yara sang nagluntad nga pagpangluthang sa Barangay Upper Motong sa nasambit nga ciudad.
Gilayon ini nga ginresponderan sang kapulisan kag ila nakit-an ang bangkaty sang isa ka lalaki nga wala pa nakilal-an kag ginapasuni miyembro sang LGBT community.
Nagasuksok ini sang blue and white combination nga blouse kag maong short.
Santo sa imbestigasyon, nakaangkon ang biktima sang multiple gunshot wounds.
Sa karon, padayon pa ang imbestigasyon tuhoy sa insidente agud matumod ang identity sang biktima kag sang suspesado.
Samtang, patay man ang isa ka drug surrenderee matapos nga ginluthang sang riding-in-tandem suspects sa Barangay Basak, Zamboanguita.
Ginkilala ang biktima kay John Celso Ferrero kag residente sang Barangay Poblacion sa nasambit nga banwa.
May yara ini sang igo sang bala sa nagkalain-lain nga bahin sang iya lawas nga gintunaan sang iya gilayon nga kamatayon.
Nagpalagyo naman ang mga suspetsado padulong sa south direction.
Sa karon, nagapadayon pa ang imbestigasyon para sa posible nga pagtumod sa mga suspetsado.
