May duha ka buluthuan sa Brgy Granada, Bacolod City nga nagrequest sang disinfection sa mga classrooms bangod sa kaso sang Hand Foot and Mouth Disease (HFMD).
Sa interview sang Bombo Radyo kay Punong Brgy Armando Vito, nagpadala sang sulat para magrequest sang disinfection ang Emiliano Lizares National High School kag Patricia Homes Elementary School.
Suno diri, ginforward na sini sa City Health Office ang request sang duha ka buluthuan.
Samtang, subong nga hapon kag bwas nga adlaw may yara sang patigayonon nga fogging sa Patricia Homes Elementary School kag iban nga buluthuan.
Mahibaluan nga sa ciudad sang Bacolod may yara na sang 61 ka kaso sang HFMD halin sang Hunyo 29 tubtob Hulyo 5, 2025.
Nagapanguna nga mag pinakamataas nga kaso amo ang Barangay Villamonte nga may 10 ka kaso; Brgy Estefana nga may 8; Mansiingan nga may 6; Singcang nga may 5; Tangub nga may 5; Granada nga may 4; Alijis nga may 3; Vista Alegre 3; Banago 2; Cabug 2; Mandalagan 2 kag Bata nga may 2.
Kalabanan sa mga nagsuprer sang HFMD ang naga-edad sang isa tubtob pulo ka tuig.
Interview sang Bombo Radyo kay Punong Brgy Armando Vito
