Gin-inagurahan na kaina ang two-storey multi-level building nga magaserbe nga parking area sang Negros Occidental Provincial Capitol.
Ang blessing kag inauguration ang ginpangunahan mismo ni Negros Occidental Governor Eugenio Jose ‘Bong’ Lacson.
Ang building ang nahamtang sa anay motorpool area sa dalan Gatuslao katupad sang Negros Occidental Provincial Comelec Office.
1,500 square meters ang lot area sang building ukon 3,000 square meters para sa duha ka panalgan nga may budget nga P25 million.
Ang two-storey multi-level building ang sarang maparkingan sang 114 ka mga salakyan kag magaserbe nga parking space para sa mga salakyan sang kapitolyo kasubong man sang salakyan sang capitol employees.
Suno diri, masami puno ang parking area sa atubang sang capitol building, kag ginalikawan man nga magpark sa dalan.
Ang construction ang gin-umpisahan sang Hulyo 1 kag natapos Agosto 15, gani madasig man nga napatigayon ang blessings kag inauguration subong nga adlaw.
