2-storey residential building sa Barangay 40, partially-damaged matapos masunog

Partially damaged ang 2-storey residential building sa sunog nga nagluntad sa Purok Ammaliz 1, Barangay 40, Bacolod City, kagab-i.

Sa impormasyon nga nakuha sang Bombo Radyo, alas-7:10 sang gab-i nagsugod ang kalayo sa puluy-an ni Isabelita Saya Tan.

Yara sa first alarm ang status sini bangud gilayon man nga natapna ang kalayo kag gindeklarar nga fire-out alas-7:18 sang gab-i.

Ang estimated nga damage nga gintuga sang sunog ang nagdangat sa P15,000.

Wala naman sang may nasamaran ukon nahalitan nga residente.

Sa karun ginahibalo pa ang ginhalinan sang kalayo.