20 anyos nga CAFGU member, patay matapos aksidente nga matiruhan ang kaugalingon sa Guihulngan, Negros Oriental

Patay ang 20 anyos nga Citizen Armed Force Geographical Unit (CAFGU) matapos aksidente nga matirohan ang iya kaugalingon sa Brgy Sandayao, ciudad sang Guihulngan, Negros Oriental, ala-1:45 kahapon sang kaagahon.

Ang biktima ang ginkilala nga si Leonemar Cabasag Embodo, residente sa nasambit nga lugar.

Aksidente nga natirohan ni Embodo ang iya kaugalingon gamit ang iya service firearm nga M14 Riffle.

Naigo sa agtang si Embodo, rason sa iya gilayon nga kamatayon.

Wala naman sang may nakita nga foul play ang kapulisan.