May buno sa ilok kag ginlaslas ang liog sang isa ka lalaki nga nasapwan sa Antonio Luna Interior, Barangay Mambulac, Silay City sang Agosto 5, alas 10:20 sang gab-i.
Sa impormasyon nga nakuha sang Bombo Radyo, ang bangkay nga nasapwan ang ginkilala kay Steven Placido, 20-anyos, residente sang Loney 1, Barangay Mambulac, Silay City, Negros Occidental.
Nakabaton sang impormasyon ang Silay City Police Station nga may bangkay nga nasapwan sa nasambnit nga barangay kag gilayon nila ini nga ginpadulungan.
Sa inisyal nga imbestigasyon, may pilas tuga sang pagbuno si Placido sa iya ilok kag ginlaslas man ang liog sini nga gintunaan sang iya kamatayon.
Sa karun nagapadayon pa ang imbestigasyon sang mga otoridad tuhoy sa suspetsado kag motibo sang krimen.
