Masobra P800,000 ang balor sang suspected shabu nga narecover sa 20 anyos nga lalaki nga bag-o lamang nakabalik sa Bacolod City sa drug buybust operation nga ginpatigayon sa Purok Kabuhi, Barangay 10, Bacolod City.
Ang subject ang ginkilala nga si Richard Tabudlong, 20 anyos, single, wala sang trabaho kag residente sa lugar.
Sa interview sang Bombo Radyo Bacolod kay Police Lt Richard Legada, assistant chief sang City Drug Enforcement Unit sang Bacolod City Police Office (BCPO-CDEU), ang suspect ang halin sa Manila kag nagbalik sa ciudad sang Bacolod pila pa lamang ka semana.
Apang sila ang nakabatun sang report nga ini ang naga-engage sa pagbaligya sang illegal nga droga gani sila ang nagpatigayon sang surveillance sa sulod sang duha ka semana.
Tubtob nga natigayon nila ang operasyon, kun sa diin narecover gikan sa suspect ang walo ka heat-sealed kag isa ka self-sealing transparent plastic sachet sang suspected shabu lakip na ang buybust item.
Ang suspected shabu ang ginabanta nagabug-at sang 130 gramos kag may standard drug price nga P884,000.
Si Tabudlong ang wala sa listahan sang Barangay Anti-Drug Abuse Council (BADAC) apang ini ang ginakonsiderar na nga high value individual bangod sa kadakuon ang volume sang suspected shabu nga narecover.
Pahayag ni Legada nga ang suspect ang nagabaligya sang illegal nga droga sa ila lugar kasubong man sa mga kaingod nga Barangay.
