Nagdangat sa 20 ang successful blood donors sa ginpatigayon nga bloodletting activity sa City Health Office sa ciudad sang Himamaylan in partnership sa Dugong Bombo kaina sang aga.
Suno kay Ms. Eloisa Marie Liza, donor recruitment officer sang Philippine Red Cross-Negros Occidental, ginpahayag sini nga 20 ka mga indibidwal ang nagparehistro sa bloodletting activity apang napaslawan ang isa ka makapasar sa assessment bangud sa medical condition sini.
Ginalauman naman ni Liza nga mangin diutay lang ang blood donors bangud nga ini na ang second blood collection sa Himamaylan sini nga bulan.
Suno sa iya, sa una nga bloodletting activity sa amo nga ciudad para sa bulan sang Oktubre, nalab-ot nila sadto ang maximum nga 50 successful blood donors.
Nagapasalamat naman si Liza sa city officials subong man sa Himamaylan City Health Office kag sa mga blood donors sa pagbuylog sa amo nga aktibidad bangud nga nakakolekta gihapon ang PRC sang dugo.
Nagapang-agda naman si Dr. Medardo Escanda, city health officer sang Himamaylan, sa mga pumuluyo nga magpakigbahin sa ginatigayon nila nga bloodletting activity kada bulan.
Suno sa iya, citywide ang ila ginapatigayon nga scheme kag wala sila naga-per barangay.
Suno kay Escanda, sini nga bulan sang Oktubre, Nobyembre kag Disyembre, magapatigayon sila sang twice a month nga bloodletting activity.
Bwas, magapatigayon naman sang bloodletting activity sa Barangay Caliling, Cauayan ang Philippine Red Cross in partnership with Dugong Bombo.
