Nagdangat na sa 20 ka persona ang nadakop sa idalum sang COMELEC gun ban sa bahin sang Western Visayas.
Sa interview sang Bombo Radyo Bacolod kay Police Lt. Col. Arnel Solis, spokesperson sang Police Regional Office 6, humalin sang Enero 12 sang ginpatuman ang COMELEC gun ban, may isa nga nadakpan sa Aklan, apat sa Capiz, tatlo sa Iloilo City, isa sa Iloilo province, apat sa Bacolod, anum sa Negros Occidental kag isa sa Regional Mobile Force Battalion (RMFB).
Suno kay Solis, iban sa mga nadakpan ang gikan sa police response sa mga report nga may nagatuga sang alarm and scandal, mga wanted person, naaksidente nga may dala nga armas-luthang, sa buybust operation nga may nakuha nga armas-luthang kag sa COMELEC checkpoint nga nakuhaan sang pusil.
Ang latest nga nadakpan amo ang sa ciudad sang Bacolod kun sa diin nangtaya sang armas-luthang ang suspek apang sa pagstekyar sa armas, ini ang replica lamang.
Pahayag ni Solis, gindakop sa gihapon ang suspek bangod naglapas ini sa COMELEC gun ban.
Kalabanan man sa mga armas nga nakuha ang wala sang lisensya.
Ang COMELEC gun ban ang magatakop sa Hunyo 11, 2025.
