Nabadbad sang New York Knicks ang 29 points lead sang San Antonio Spurs kag nakuha ang kadalag-an sa Game 4 sang NBA Finals sa score nga 107-106.
Nagpanguna sa 1st half ang Spurs sa score nga 76-49 kag nagdaog man sa 3rd quarter sa score nga 90-75 apang nakabawi ang Knicks sa 4th quarter kag natigayon nga makuha ang kadalag-an sa score nga 107-106.
Sa interview sang Bombo Radyo kay Basketball Coach Leo Ceralbo, ginpahayag sini nga isa ka maragtas ang ginpakita nga comeback sang Knicks.
Nakahambal ini nga wala na sang tsansa ang Knicks sa una nga mga quarter bangud sa lead sang Spurs nga naglab-ot sa 29 puntos.
Pahayag sini, mabaskog ang depensa ni Jalen Brunson nga may 36 puntos, 5 rebounds kag 7assits kag ang atake sang Knicks ang nagbalanse sa fourth quarter.
Gani suno diri, sa hampang sang basketball, wala nagakahulugan nga kun dako na ang abanse indi na makabawi pa sa fourth quarter.
Pahayag ni Ceralbo nga ang bagani sa Knicks amo si OG Anunoby nga nasiguro ang 2 puntos sa last second sa score nga 107-106.
Suno diri, balantayan sa Sabado kung tapuson na sang Knicks ang hampang matapos makuha ang 3-1 advantage.
Ang Game 5 ang patigayunon alas-8:30 sang aga sa Dominggo, Hunyo 14 (oras sa Pilipinas) sa Frost Bank Center, San Antonio, Texas.
