Igadeploy ang kapin sa 200 ka mga traffic personel sa ciudad sang Bacolod para sa Masskara Festival 2024.
Suno kay Police Major Ramil Sarona, head sang Bacolod City Police Office – Traffic Management Unit (BCPO-TMU), nagakoordinar ini sa Bacolod Traffic Authority Office (BTAO) angot sa deployment sang Traffic Enforcement Unit (TEU) kag BTAO personnel.
Suno diri, naplastar na ang ila traffic plan kag nagpasalig nga tinguhaan nga indi matam-an ang pagggutok sa dalanon sa Bacolod.
Ang deployment sang personnel ang maga-umpisa sa pag-umpisa man sa pagpatuman sang rerouting tubtob nga matapos ang Masskara Festival apang posible nga may yara sang adjustments sa deployment kun may yara sang mga dalagko nga activities.
Panugyan ni Sarona nga magbantay sa mga impormasyon nga ila ginapaggwa angot sa road closure kag rerouting agud nga malikawan ang maggutok nga traffic kag mahibaluan kun diin ang dalan nga maagyan.
