-- ADVERTISEMENT --
Gindominate sang American singer-songwriters nga sanday Taylor Swift kag Zach Bryan ang nominasyon para sa 2024 Billboard Music Awards (BBMAs).
Santo sa announcement sang music chart, ang country artist nga si Zach ang nakakuha sang 18 tanan ka mga nominasyon kalakip na ang Top Male Artist, Top Hot 100 Songwriter, kag Top Hot 100 Producer.
Ginsundan naman siya ni Taylor nga nakaangkon sang 16 ka nominasyon kalakip na ang Top Female Artist, Top Billboard Global Artist, kag Top Billboard 200 Album.
Nakabaton man sang mga nominasyon ang iban pa nga mga kilala nga artists kalakip na sanday Sabrina Carpenter, Drake, Post Malone kag Tyla.
Ang awarding ceremony sang BBMAs ang hiwaton sa Disyembre 13, alas-9:00 sang aga oras sa Pilipinas.
-- ADVERTISEMENT --
