Maga-umpisa na subong nga adlaw ang pagselebrar sang 2024 Panaad sa Negros Festival.
Sa interview sang Bombo Radyo kay Cheryl Decena, executive director sang 2024 Panaad sa Negros, preparado na ang probinsya para sa isa ka semana nga selebrasyon.
Suno diri, lauman nga magapadulong sa probinsya si Senator Imee Marcos kag pila ka mga senator.
May yara man sang mga bisita nga mga artista kag magaperform nga mga banda.
Samtang, ang Lin-ay sang Negros competition naman ang patigayunon sa Abril 19.
Suno kay Decena, ang 29 candidates ang pinakamataas nga numero nga nagpasakop sa competition.
Lunsay may beauty and brains ang mga candidates kag halos strong contendors ang nagpasakop.
Sa bahin naman sang traffic, nagpasalig si Decena, nga kun ano man ang naeksperyensyahan nga traffic nakaligad, ang indi na maliwat sa karun.
