Opisyal na nga ginbuksan kaina sang aga ang Philippines Reserve Officers’ Training Corps (ROTC) Games 2024 Visayas Qualifying Leg sa Panaad Park and Stadium.
Ginbisita ni ROTC Games Fouding Chairman, Senator Francis Tolentino ang opening ceremony kag suno diri, ang ini nga event ang kolaborasyon sang disiplina, unity kag patriotism sang mga kabataan.
Pamaagi sini makit-an ang pagpalangga sang Pilipino sa Pilipinas kag pagdumdum sa ika 127th nga anibersaryo sang kamatayon ni Gat Andres Bonifacio sang Mayo 10.
Ginliwat man ni Tolentino ang pahayag ni Bonifacio sa mga kabataan nga maghandum sang maayo kag mangin modelo sa matuod nga pag-intindi sang katipunan. Samtang, dako ang pagpati ni Senator Francis Tolentino sa hagna nga ginaduso sini nga nagatuyo nga pagpabakod sang Reserve Officers’ Training Corps (ROTC).
Ang Senate bill 1565 ukon ang basic military and police training for all higher and technical vocational students act ang nakapending sa karun apang dako ang pagpati sini nga ini ang mangin bulig man para sa mga kabataan.
Ini kasunod man nga nakita sini nga madamo sang mga kabataan ang wala nanamian sa nagakatabo sa West Philippine Sea.
