Ginpahayag sang alkalde sang banwa sang La Castellana nga patigayonon sa gihapon sa sulod sang banwa ang pagbinotohay para sa eleksyon bisan pa nga magsaka sa alert level 4 ang status sang bulkan Kanlaon.
Sa interview sang Bombo Radyo Bacolod kay La Castellana Mayor Rhumyla Nicor Mangilimutan, kun magsaka sa alert level 4 ang status sang bulkan, ang mga residente nga sakop sang 10km permanent danger zone ang iga-evacuate kag dal-on sa mga local government units nga willing magbaton sang evacuees.
Suno diri, bisan yara sa iban nga banwa ukon ciudad ang mga residente, sila ang hakuton kag ibyahe pabalik sa banwa sang La Castellana para magboto.// May yara lamang sang patindogon nga temporaryo nga polling precinct.
Samtang, nagpasiguro man si Mangilimutan nga wala sang suspensyon sa eleksyon apang may yara lamang sang delay.
