Ginalauman ang mas matawhay nga 2025 midterm elections sa probinsya sang Negros Oriental.
Sa interview sang Bombo Radyo kay Negros Island Region Commission on Election (COMELEC) Director Atty. Lionel Castillano, nagfile sang Certificate of Candidacy ang tiayon ni late Governor Roel Degamo nga si Pamplona Mayor Janice Degamo para mangin representative sang 3rd District sang probinsya.
Ang ka-tandem sini amo si incumbent governor Chaco Sagarbarria.
Samtang, nagfile man sang COC si anay governor Pryde Henry Teves nga utod ni expelled congressman Arnolfo Teves Jr.
Samtang, maka-engkwentro naman ni Pamplona Mayor Janice Degamo sanday Reynaldo Lopez kag Janice Teves.
ahayag ni Castillano, lauman ang mas peaceful nga election bangod sa karun nagagwa na ang mga tawo indi lamang para magboto apang sila ang nagagwa na para magpapili man.
Sa probinsya sang Negros Oriental, anum tanan ang nagpapili bilang gobernador kag tatlo sa pagka-bise gobernador.
Samtang, pagadal-on sa Manila ang COC sang mga aspirants kag didto tsekyaron kag sa Oktubre 14 mahibaluan na kun sin-o ang yara sa certified list sang mga candidates.
