Ginakabig “Generally Peaceful” ang pagsaulog sang bag-ong tuig sa bilog nga probinsya santo sa nangin assessment sang Negros Occidental Police Provincial Office (NOCPPO).
Sa interview sang Bombo Radyo Bacolod kay Police Captain Judesses Catalogo, sang tinalikdan nga 2023 ang monitoring sa firecracker incidents ang nagdangat sa 94 kag sa karun 53 nalang.
Suno kay Catalogo, ini ang nagapakita lamang nga nangin epektibo ang ila approach kag programa sang NOCPPO para sa kampanya batok sa firecrackers.
Samtang sa criminality naman may yara sang narecord apang wala man nakaapekto sa kabug-usan nga pagsaulog sa pagsugata sang bag-ong tuig.
Ang palupok ang indi madula sa tion nga magsaulog sang bag-ong tuig ang mga Filipino gani ang mga kapulisan ang nagabantay agud nga masiguro nga ini ang ginabaligya sa designated selling areas.
Suno kay Catalogo, ang mga pumuluyo na ang nagaturn-over sang mga palupok nga gin-abandonar sang mga illegal nga nagabaligya nga ginadispose man sang mga otoridad.
Suno diri sa bag-ong tuig, bag o naman nga mga pagpanghangkat.
Nagpasalig man ini nga ang NOCPPO personnel ang nakahanda sa gihapon nga magserbisyo sa mga pumuluyo sa Negros Occidental.
