Ginalauman sang gobernador sang porbinsya sang Negros Occidental nga maaprubahan ang proposed 2025 Provincial budget antes matapos ang tuig 2024.
Suno kay Governor Eugenio Jose ‘Bong’ Lacson, P6. 4 billion ang proposed budget para sa masunod nga tuig kag suno diri kalabanan sa budget ang gamiton agud mapadayon ang programa sang Abanse Negrense.
Ini ang ginalakipan sa bahin sang agrikultura, imprastaktura, road kag bridge widening, health benefits agud malab-ot ang criteria para macover ang universal care program, kasubong man nga maconvert na sa level 3 ang Teresita L. Jalandoni Provincial Hospital , programa para sa environment kaangay sang save water programs kag scholarship programs.
Dugang pa ni Lacson, lauman nga kada tuig may yara sang increase sa tax allotment kag kun maayo ang trabaho sang provincial government, ini ang mapabatyag man sa mga Local Government Units.
Ginalauman sini nga maaprubahan ang proposed budget agud nga sa pag-umpisa sang tuig 2025, magamit ini sa pag-operate sang probinsya.
Samtang, nagpanugyan man ini nga nahacked ang facebook account sang Negros Occidental Provincial Government kun sa diin may yara sang ginapagwa nga indi desente nga mga litrato.
Apang narekober na ang account sang probinsya sa bulig sang National Bureau of Investigation (NBI) kag Department of Information and Communications Technology (DICT).
