Padayon ang imbestigasyon sang Toboso Municipal Police Station sa pagluthang-patay sa 25 anyos nga lalaki sa sulod sang iya balay sa Sitio Toril, Brgy. Bandila banwa sang Toboso, alas-5:00 sang kaagahon, kahapon.
Ang biktima ang ginkilala nga si Isagani Imalay, residente sang nasambit nga lugar.
Sa interview sang Bombo Radyo Bacolod kay Police Captain Rene Boy Eduardo, Deputy Chief of Police sang Toboso Municipal Police Station, pito ka armado nga suspek ang nagsulod sa balay ni Imalay kag siya ang giluthang.
Sa inisyal nag-agom sang igo sa ulo si Imalay.
Mahibaluan nga tinalikdan nga bulan, ginpatay man ang iya amay paagi sa pagluthang samtang yara sila sa kapiyestahan kun sa diin si Imalay ang nakapalagyo sadto.
Si Imalay ang may kaso man nga pagpanghimulos sang 2021.
