Pilason ang 22 anyos nga babayi matapos ginluthang sang riding in tandem sa Prk Bayanihan, Brgy Suba, Calatrava, Negros Occidental alas-8:23 kagab-i.
Sa impormasyon sang Bombo News Team, ang biktima ang ginkilala nga si Coeffoerine Ray Lairta, 22 anyos, single, residente sang Prk Mauswagon, Brgy Suba, Calatrava; samtang ang isa sa mga suspect ang ginkilala lamang nga si Alyas Junjun, 42 anyos.
Sa inisyal nga imbestigasyon sang Calatrava Municipal Police Station, ang biktima ang sakay sa iya motorsiklo sang siya ang ginsundan sang isa pa ka motorsiklo nga duag pula kag itom, nga ginasakyan sang duha ka persona nga lunsay nakasuksok sang jacket.
Pagdangat sa lugar sang insidente, gilayon nga nagpalupok sang armas-luthang ang backrider sang makapila ka beses, kun sa diin naigo sang bala si Lairta sa iya sag-ang, nawala nga kamot, kag natuo nga hita.
Gilayon man nga nagpalagyo ang riding in tandem padulong sa dereksyon sang Brgy Calampisawan, Calatrava matapos sang krimen.
Ang biktima ang gindala naman sa Calatrava Municipal Hospital para mabulong, samtang nagpatigayon naman sang hot pursuit operation ang kapulisan.
