Dead on arrival sa ospital ang isa ka lalaki matapos makabunggo ang iya ginasakyan nga motorsiklo sa nakaparada nga truck sa syudad sang Himamaylan kahapon.
Ginkilala ang biktima kay Charlon Tiu, 22 anyos kag residente sang Rizal Street, Brgy. Talaban, Himamaylan City.
Sa impormasyon nga nakuha sang Bombo Radyo, nagabyahe si Tiu pakadto sa north kag sang yara na ini sa national road, nabungguan sini ang nakaparada nga cargo truck sang tubo.
Ang tag-iya sang truck ang ginkilala kay Gerald Villanueva kag ang driver amu si Ronie Estrabella.
Nakaangkon sang patal nga pilas sa ulo ang biktima kag gilayon ini nga gindala sa Binalbagan Infirmary apang gindeklarar na nga dead on arrival.
Yara naman sa kustodiya sang Himamaylan City Police Station ang driver nga si Estrabella para sa proper disposition samtang nagdipensa naman si Villanueva nga nakapark sang insakto ang iya nga truck.
Nahibaluan man nga hubog ang biktima samtang ini ang nagabyahe.
