Dead on arrival sa Bago City Hospital matapos nga ginbuno sang namuragmuragan nga suspek sa Purok Kasantulan, Barangay Mailum, Bago City.
Ginkilala ang biktima kay John Michael Bryan Cornelio, 22 anyos samtang ang suspek ang ginkilala kay Domy Pasigado, 56 anyos kag lunsay mga residente sang nasambit nga lugar.
Sa interview sang Bombo Radyo Bacolod kay Police Major Ronald Santillan, Deputy Chief of Police sang Bago City Police Station, sa balay ni Rolando Cornelio nagainum sang makahulubog nga ilimnon ang grupo sang biktima.
Suno kay Santillan, may yara sang nagluntad nga paglalisanay kag hinali nga ginsumbag ang pila ka mga bisita ni Cornelio.
Suno diri ginsumbag ni Cornelio si Pasigado samtang nagapungko kag nagakatulog, bangud namuragmuragan ini ginkuha niya ang kutsilyo nga dala sini kag ginbuno si Cornelio.
Suno kay Santillan, tatlo ka buno sa dughan ang naagom ni Cornelio kag gindala pa sa Bago City Hospital apang gindeklarad dead on arrival.
Ginpahayag man sini nga suno sa mga residente may masabad si Cornelio kun mahubog gani hinali nalang ini nga nagpamuno.
Nakahunong na si Pasigado sa Bago City Police Station samtang ginahulat pa ang desisyon sang pamilya sang biktima kun ini ang magapasaka sang kaso apang ang ginhanda na sang imbestigador ang mga papeles para sa case filing sa tion nga makadesisyon na ang pamilya.
