22 ka persona, patay lakip ang 2 ka kabataan, sa missile kag drone attacks sang Russia sa Ukraine

Indi magnubo 22 ka mga indibidwal ang ginbawian sang kabuhi kalakip ang duha ka kabataan matapos ang mas ginpasangkad nga missile kag drone attack sang Russia sa nagkalain-lain nga bahin sang Ukraine kahapon.

Ang ciudad sang Dnipro ang tuman nga naapektohan sa diin 16 ka tawo ang napatay samtang anum naman sa capital nga Kyiv.

Dugang pa, masobra 100 ka persona ang pilason sa pagpang-atake.

Suno kay Ukrainian President Volodymyr Zelensky, gintarget sang Russia ang mga sibilyan nga imprastraktura kag pasilidad sang enerhiya.

Sa bahin naman sang Moscow, ginpahayag sang Russian Defense Ministry nga ginpatigayon ang mga pag-atake bilang sabat sa mga nauna nga opensiba sang Ukraine.