Patay ang 22 ka mga indibidwal matapos magluntad ang sunog sa building sa Jakarta, Indonesia kahapon.
Suno kay Susatyo Purnomo Condro, hepe sang Central Jakarta police, ang mga narecover nga mga patay nga lawas ang gindala sa ospital agud nga makilal-an ang identity.
Suno diri, ang sunog ang nagikan sa first floor kag madasig nga naglab-ot sa pinakamataas nga panalgan sang building.
Ang building amo ang opisina sang Terra Drone Indonesia, isa ka drone services para sa aerial survey sa mining kag agricultural sector sa Indonesia.
Suno diri, ang pila ka mga empleyado sang kompanya ang nagaka-on samtang ang iban gilayon nga nakaguwa sa building.
Makita sa Footage broadcast ang pila ka mga bombero ang naga-rescue mga inibidwal kag may ara man sang may dala nga mga body bags.
Samtang iban diri ang nagagamit sang portable nga hagdanan agud nga makagwa sa building.
Suno kay Condro, ang police forensic laboratory team ang nag-imbestigar sa ginhalinan sang sunog.
Santo sa impormasyon nga nakuha sang otoridad ang sunog ang nagikan sa battery sang drone samtang padayon sa gihapon ang imbestigasyon sa tag-iya sang kompanya kag sang building.
Nagapangyo sang pasaylo ang nasambit nga kompanya sa natabo nga insidente sa komunidad kag sa mga customers.
