22,000 metric tons sang LPG, natalana mag-abot sa Pilipinas sa masunod nga bulan

Natalana nga maabot sa Pilipinas sa masunod nga bulan ang 22,000 metric tons sang Liquefied Petroleum Gas (LPG).

Suno kay Department of Energy (DOE) Usec. Sandy Sales, ang maabot nga LPG ang ila ginkontrata paagi sa Philippine National Oil Company (PNOC).

Ginalauman ang delivery sa ikaduha ukon ikatatlo nga semana sang Mayo.

Kasunod sini, ginpasiguro ni Usec. Sales nga padayon sila nga nagapangita sang alternatibo nga sources agud mapasaka ang imbentaryo.

Base sa datos sang Abril 10, magalawig nalang sang 36 ka adlaw ang suplay sang LPG sa pungsod.