Subong nga tuig, ginselebrar sang Nikola-Lenivets art village sa Russia ang Maslenitsa pinaagi sa pagsunog sang 23 metros nga Tower of Babel nga human sa kahoy, nga nagasimbolo sang pagbinahin-bahin sa Bibliya.
Humalin sang 2001, tuigan na nga ginaselebrar sang Nikola-Lenivets, isa ka popular nga art park nga makita kapin 200 kilometros gikan sa Moscow, ang Slivac holiday sang Maslenitsa pinaagi sa pagsunog sang mga ginhimo nga espesyal nga artwork.
Ang Maslenitsa ang nagasimbolo sang pagtakop sang winter kag pagsulod sang spring, ukon panibag-o nga umpisa.
Apang subong nga tuig, ang artistic tradition ang nangin mas engrande pa kag meaningful sangsa nakaligad nga mga tinuig.
Isa ka 23 meter-tall nga kahoy nga Tower of Babel nga gindesinyo sang bataon nga architect nga si Ekaterina Polyakova ang gintutdan sa isa ka seremonya nga gindesinyo agud mangin simbolo sang katapusan na sang kinigamo sa mga pungsod.
Ang Tower of Babel ang isa ka origin myth nga naga-eksplikar kun ngaa ang mga tawo sa bilog nga kalibutan ang nagahambal sang nagkalainlain nga lenggwahe.
Ini ang nagapakigbahin sang estorya sang paghugpong sang katawhan kun sa diin nagahambal sang isa lang ka lenggwahe sa pagtinguha nga makahuman sang syudad kag tower nga nagadangat sa langit.
Matapos makita sang Diyos nga nangin prideful ang mga tawo, gintublag Sini ang ginabuhat sang mga katawhan pinaagi sa paglain sang ila mga lengwahe agud nga indi mag-intiendihanay kag indi mahuman ang Tower of Babel.
Apisar nga ang Tower of Babel ang indi masami nagatumod sa pag-ilinaway sang mga tawo, sa kaangay man nga rasun kun ngaa ginpili sang artists sa Nikola-Lenivets para sa effigy subong nga tuig.
Suno kay Ekaterina Polyakova, wala matapos ang Tower of Babel bangod sa pag-ilinaway sang mga tawo sa bilog nga pungsod
Ang building nga ginhuman para sa Maslenitsa sa Nikola-Levinets ang nagaserbe naman nga modern symbol sang kaangay nga ilinaway.
Ang estraktura ang ginhuman paagi sa mga kahoy, brushwoods, timber kag hay.
Sang Marso 13, antes gintutdan ang tower, linibo ka mga tawo man ang nagpadulong sa Nikola-Lenivets para sa event ang gin-imbetar nga magsaka sa estraktura kag magbilin sang papel kun sa diin nakasulat ang ila nga mga wish nga luyag na nga madula sa ila nga kabuhi, agud nga ini ang masunog kaupod sa tower.
