Mas ginpasanyog pa sang Israeli forces ang pagpangbomba sa Gaza Strip sang Domingo kun sa diin 23 ka mga persona ang nadulaan sang kabuhi.
Suno sa mga Palestinians, ang bag-o nga aerial kag ground offensives kasubong man ang forced evacuations ang “ethnic cleansing” nga may tinutuyo nga mabakante ang duha ka mga banwa sa north Gaza kag isa ka camp sang ila mga populasyon agud magtukod sang buffer zones.
Ginpanginwala ini sang Israel kag ginpahayag nga ini ang nagapakigbato sa Hamas militants nga naglunsyar sang pagpang-atake nagikan diri.
Suno sa mga medics, indi magnubo sa 13 ka mga Palestinians ang nagkalamatay sa separado nga pagpang-atake sa mga pamalay sa banwa sang Beit Lahiya kag Jabalia, ang pinakamalapad sa walo ka mga maragtason nga refugee camps sang enclave kag ang focus sang bag-o nga military offensive sang army.
Ang nabilin ang nagkalamatay sa separado nga mga air strikes sa Gaza City kag sur nga mga areas.
Wala naman nagkomento ang Israel sa mga military actions sang Domingo sa northern Gaza.
