Napasakaan na sang kaso ang isa ka soltero nga nanghurikap sa ginapangaluyagan sini nga 14 anyos nga ginapangaluyagan sini sa ciudad sang Bacolod.
Sa interview sang Bombo Radyo Bacolod kay Police Lt. Rowena Jean Magan, officer in charge sang Women and Children Protection Desk (WCPD) sang Bacolod City Police Office, act of lasciviousness kag sexual assault ang ginpasaka nga kaso batok sa suspetsado.
Suno kay Magan, nagapibilin sa kustodiya sang mga kapulisan ang suspek.
Ginpahayag man sini nga natigayon nga mapasaka ang kaso bangud consistent ang pahayag sang bata kag positibo man sini nga gintumod ang lalaki.
Una na nga ginpahayag ni Magan nga ang Disyembre 31 wala nakapauli ang bata nga babayi samtang nagahilapit ang pagsug-alaw sang bag-ong tuig.
Siya ang nakita sa residence sang 24 anyos nga lalaki kag amo na nga nagpatawag sang pulis ang pamilya.
Suno kay Magan, ginpahayag nga ang biktima ang nakakadto sa balay sang suspek bangud ginhagad niya ini nga updan ini nga magsugata sang bag-ong tuig apang wala magdumdom nga ang suspek ang may malain nga tinutuyo sa iya.
Nagpanugyan man ini ilabi sa mga ginikanan nga giyahan kag bantayan ang mga kabataan bangud ang mga violators ang nagahulat lang sang kahigayunan kag mangbiktima.
