Nalumos ang lalaki nga bag-o lamang nakagradwar sa kolehiyo matapos nga maligo sa Malogo River sa Barangay E. Lopez, ciudad sang Silay, kahapon, kapin ala- 1:00 sang hapon.
Suno kay Kimberly Lapag Pueblo, residente sang Barangay E. Lopez, una nga nagresponde para magbulig ang tiyo kag manghod sini para pangitaon ang biktima nga si Renz Llorente, 24-anyos, residente sang Bonifacio St, sa nasambit nga ciudad.
Suno diri, matapos ang napulo ka minutos, wala sa gihapon nakita si Llorente amo nga nagbulig man ang iban nga mga residente.
Kapin alas-3:00 na sang hapon sang nakita sang manghod ni Pueblo ang bangkay sang biktima.
Nahibaluan nga si Llorente ang bag-ong gradwar lamang sa kolehiyo sa Silay Institute kag ini ang naligo sa suba kaupod ang iya nga mga abyan kag nobya kag samtang nagapaligo, sila ang naga-inom inom.
Naligo Llorente sa suba samtang yara sa impluwensya sang makahulubog nga ilimnon kag ini ang wala man nakahibalo kun paano maglangoy.
