Natigayon na nga mapriso ang 24 anyos nga lalaki bangod sa kaso nga three-counts of statutory rape batok sa 15 anyos nga dalagita sa Barangay Granada.
Sa interview sang Bombo Radyo Bacolod kay Police Major Joery Puerto, station commmander sa Bacolod Police Station 5, nag-abot na ang warrant of arrest para sa suspetsado gani ini ang ila na nga gindakop kag ginhunong.
Ang dalagita ang makapila sini nga ginlugos sa nanarisari nga bulan.
Nakabata naman sang ‘baby girl’ ang dalagita nakaligad nga Nobyembre.
Pahayag ni Puerto nga nagkilalahay ang duha pinaagi sa chat, kag nag-ako man ang suspetsado sa makatatlo sini nga pagrape sa biktima, sa gym sa iya balay kag sa kapahuan.
Apang ginpahayag man sang suspetsado nga nakasugilanon na sini ang pamilya sang dalagita kag nagsugtanay na ang mga ini nga indi dayunon ang kaso.
Apang wala nagsugot ang piskal bangod menor de edad ang biktima.
Pahayag sang suspetsado nga nagsugot na ang ginikanan sang dalagita nga ini ang magasustento sa bata.
Suno kay Puerto, ang suspetsado ang remedio heneral lamang ang mga trabaho.
Pahayag sang hepe nga kun luyag nila nga indi madayunon ang kaso, ini ang aregluhon na lamang sa open court.
Apang ginalantaw sini nga mapanas lamang ang kaso kun makasal ang duha apang hulaton pa nga ini ang magdangat sa legal nga edad nga 18 anyos, gani ang suspetado ang kinahanglan pa nga magpabilin nga priso sa sulod sang tatlo ka tuig.
