24 anyos nga lalaki, pilason matapos ginluthang sa Barangay Lemery sa banwa sang Calatrava

Pilason ang 24 anyos nga lalaki matapos nga ginluthang sa Sitio Walug, Barangay Lemery, banwa sang Calatrava, sang Martes, alas 10:35 sang gab-i.

Ang bitkima ang ginkilala nga si Jet Ryan Benignos, residente sang nasambit nga lugar.

Sa interview sang Bombo Radyo kay Police Major Ronald Santillan, hepe sang Calatrava Municipal Police Station, ginpangita sang suspetsado ang biktima sa lugar kag sang nakita na sini, iya ini nga ginsundan kag amo na nga ginhimo ang pagpangluthang.

Suno diri, nag-agom sang igo sa natuo nga liog kag abaga ang biktima nga gilayon nga gindala sa ospital.

Sa karun yara na sa estable nga kondisyon ang biktima samtang padayon pa ang pagtumod sa suspetsado kag motibo sa pagpangluthang.