Patay ang 24 anyos nga lineman nga nakuryente sa poste sa Sitio Bug-as, Barangay Balintawak, Escalante City, Negros Occidental, alas- 9:45 kaina sang aga.
Ang biktima ang ginkilala nga si Orly Justine Celiz, legal ang edad, single kag residente sang Victorias City, Negros Occidental, siya empleyado sang Prime Negros Industrial Electric Corporation.
Sa interview sang Bombo Radyo kay Fire Officer 2 Gener Romero, driver sang firetruck sang Bureau of Fire Protection- Escalante City, naga-connect sang suspension equipment sa poste sang Northern Negros Electric Cooperative si Celiz sang hinali lang ini nakuryente.
Suno diri, ginkuha nila sa ibabaw sang poste si Celiz kag ginhingagaw dala sa Vicente Gustilo District Hospital apang gindeklarar nga dead on arrival.
Pahayag ni Romero, kumpleto sa protective gear si Celiz kag wala sila sang may nakita nga pilas sa lawas sang biktima.
