24 ka mga recoveries ang nagdugang kahapon sa Negros Occidental samtang apat naman sa ciudad sang Bacolod.
Sa COVID-19 Case Bulletin nga ginpagwa sang Department of Health Western Visayas, 110 ka mga kaso sang coronavirus ang narekord sa Region 6 kun sa diin 15 diri ang nagikan sa Bacolod City samtang anom naman sa Negros Occidental.
Sa mga nagpositibo sa ciudad, 12 diri ang local cases samtang tatlo ang mga locally stranded individuals.
14 diri ang nakafacility quarantine samtang isa naman ang admitted.
Sa Negros Occidental, apat diri ang local cases nga ginalakipan sang 29 anyos nga babaye nagikan sa Talisay City; 58 anyos nga babaye nagikan sa Silay City; 70 anyos nga lalaki kag 47 anyos nga lalaki nga mga residente sang Victorias City.
OFW naman ang 46 anyos nga lalaki nagikan sa banwa sang Binalbagan kag LSI ang 32 anyos nga babaye nagikan sa Sipalay City.
Sa karun, ang Bacolod City ang nakarecord na sang kabug-usan nga 418 ka mga kaso sang COVID-19 samtang nagdangat naman sa 728 ang kaso sa probinsya sang Negros Occidental.
