Nakapauli na ang 24 ka mga Pinoy nga na-detain sang siyam ka bulan sa Russia.
Ini kasunod sang ASEAN-Russia Commemorative Summit sang nagligad nga semana nga ginpangunahan ni President Ferdinand Marcos Jr. kag Russian President Vladimir Putin.
24 ka mga Pinoy ang nag-abot sa pungsod nga gintunga sa duha ka grupo sang Sabado kag Dominggo.
Sila ang gin-abi-abi ni Department of Foreign Affairs Secretary Ma. Theresa Lazaro kag iban pa nga opisyal sang ahensya sa Ninoy Aquino International Airport.
Ang mga Pinoy ang naggikan sa Krasnoyarsk, Russia, kag nagbyahe padulong sa Bangkok, Thailand, antes naglupad padulong sa Pilipinas.
Anum ka mga Pinoy ang una nga nag-abot sang Sabado sang gab-i, nga ginsundan sang 18 ka iban pa kahapon sang aga.
Madumduman nga nakighinun-anon si Marcos kay Putin natuhoy sa 24 ka mga detainess nga Pilipino sa Irkutsk sa Siberia.
Ginpahayag nga wala pa sang kaso nga ginpasaka batok sa mga Pinoy, apang may problema sa immigration matapos sila ang nangin biktima sang illegal recruiters.
Magapatigayon sang imbestigasyon ang DMW, kaupod ang Department of Justice (DOJ), agud mahibaluan kun bala biktima sang human trafficking ang mga Pilipino kag agud mahibaluan kun sin-o ang ila illegal recruiters.
Ginakabig sang DFA nga isa ka “act of goodwill” ang madasig nga tikang sang Russia sa pagpauli sang mga detained Filipinos.
