Ginpasakaan sang Administrative Case sang National Police Commission (NAPOLCOM) ang 24 ka pulis sa Region 6.
Sa interview sang Bombo Radyo kay Atty Michelle Benitez Yotoko, tagpamaba sang National Police Commission Region 6, sa 24, anum diri ang nadismiss sa serbisyo, apat ang nademote sa isa ka rango, tatlo ang suspendido sa 20 ka adlaw, isa ang suspendido sa isa ka bulan samtang nadismiss naman ang kaso sang 10 ka pulis bangod sa kakulangan sang ebidensya.
Suno diri, sila ginpasakaan sang kaso bangod sa Grave Misconduct kag Conduct Unbecoming of a Police Officer.
Sa 24, lima diri ang halin sa Negros Occidental sa bahin sang Bacolod City kag Kabankalan City.
Samtang, apat naman ang sa Aklan, walo sa Iloilo, duha sa Guimaras, apat sa Antique kag isa sa Capiz.
Pahayag ni Yotoko, nagaperform ang NAPOLCOM santo sa ila trabaho sa pag-observe sa duty sang mga kapulisan.
