Arestado ang 25 anyos nga construction worker sa pagpanaya sang armas-luthang sa Purok 3, Barangay Guinpana-an, banwa sang Moises Padilla, Negros Occidental, alas- 7:30 sang aga, sang Biyernes.
Ang biktima ang ginkilala nga si Joevanni Solis, 40 anyos, single kag nagatrabaho bilang car painter, samtang ang suspetsado naman ang ginkilala nga si Arnel Sanggalan, lunsay mga residente sang nasambit nga lugar.
Sa interview sang Bombo Radyo kay PLt Arnolfo Robles, Deputy Chief of Police ang Moises Padila Municipal Police Station, gindul-ong ni Solis ang iya mga kabataan sa eskwelahan kag sang papauli na ini sakay sa motorsiklo nasugat-an sini si Sanggalan kag siya ang gintayaan sini sang armas-luthang.
Suno kay Robles, may yara sang indi pag-intindihanay ang duha bangod nga makaagi na nga nasumbagan ni Sanggalan si Solis kag nakabati ini sang huring-huring nga mabalos si Solis.
Ang insidente sang pagpamahog ang gilayon nga ginpadangat sa kapulisan kun sa diin naaresto si Sanggalan sa pagbayolar sang RA 10591 ukon Comprehensive Firearms and Ammunition Regulation Act kag Grave Threats.
